30/04/2016

 Велика Сабота  е посветена на споменот на пребивањето на Господ Исус Христос во грбот, и Неговото слегување во адот. Христос е присутен во гробот со телото, а со духот е присутен во адот, истовремено бивајќи на престолот со Отецот и Духот, поради самиот факт што Тој е сеприсутен Бог, неодвоив од другите две ипостаси на Пресвета Троица. Велика Сабота е онаа сабота кога Христос посцедочил дека е дојден крајот на стариот век, чиј символ е празнувањето на саботниот ден, и започнува новиот век, во кој се празнува денот на Неговото Воскресение, денот на есхатонот, денот кој сите Христијани со желба го исчекуваат - денот на Второто Христово пришествие.

  29/04/2016

 Велики Петок  е посветен на спомнувањето на осудувањето на смрт, Крстните страдања и смртта на Спасителот.

 27/04/2016

 Денес е Голема среда, на овој ден Јуда го предава Христос

Голема среда е тајната вечера на Божјиот син со апостолите, кога Исус вели дека еден од нив ќе го предаде.

На денот на Светата и Велика среда, Јуда отишол кај јудејските првенци и договорил предавството на Христа за триесет сребреници.

Од тој ден, поклонувањата за време на молитвата не престанале.

Голема среда обичај пак наредува да се бере здравец, претежно од децата, а на Велики петок треба да се раздава за здравје.

Во гостувањето во вестите за Канал 5 телевизија претседателот на Вмро - Дпмне  Никола Груевски изјави дека следува потпишување на договорот со германската компанија која најави дека ќе почне со вработување од 150 лица но, која ќе достигне и до бројка од 1000   лица. Оваа инвестиција е доста значајна за Демирхисарскиот регион кој е доста неразвиен. Невработеноста е еден од најголемите проблеми во оваа општина поради што и многу од жителите на Демир Хисар и околните села се повеќе се иселуваат. 

 Во продолжение погледнете го целосното интервју.

 Старото „БМВ“, кое го купив половно и го чувам во гаража од минатото лето за посетата на татковината, бидејќи на работа во Германија одам исклучиво со воз, а низ градот со велосипед, добро го исчистив. Купив нови навлаки за седиштата и го средив да изгледа како ново.

Извор: Skopjeinfo.mk 

 Четврток, 30.07.2015 

Често не сме ни свесни што самите си правиме. Следната приказна ќе ви ги отвори очите и ќе ви го тргне непотребниот товар од грбот. Константно сме во потрага по пари често заборавајќи на нашите најмили, на луѓето од нашето опкружување кои ни значат.

Го изгубивме системот на вредности и премногу внимание обраќаме на некои маргинални работи, воглавно материјални. На оние вистински вредности не потсети еден мудрец.

Се работи за Лазар Прељиќ од Голија кој има 89 години.

На прашањето што е заедничко за сите луѓе на светот, овој старец вели:

– Тоа што детството им е досадно, брзаат да пораснат, а потоа би сакале да бидат деца. Што го трошат здравјето како би стекнале пари, а потоа ги трошат парите за да го вратат здравјето. Што живеат како никогаш да нема да умрат, а потоа умираат како никогаш да не живееле.

Потоа им дава многу важна порака на младите.

– Да научат дека никого не можат да присилат да ги сака. Дека не е највредно она што го поседуваат, туку кои се во својот живот. Да научат дека не е добро да се споредуваат со другите. Дека не е богат оној човек кој има најмногу, туку оној на кого му треба најмалку. Да научат дека доволни се само неколку секунди длабоко да повредат некој сакан, а потребни се години да се излечи. Да сфатат дека постојат лица кои ги сакаат, но тоа не знаат да го кажат, ниту покажат. Да науачат дека со парите може да се купи многу, освен среќа. Дека две лица можат да набљудуваат иста работа, а сепак ја гледаат различно. Да научат дека вистинскиот пријател е оној кој ги знае сите твои мани, а сепак те сака, додава Лазар. 

Извор: popara.mk

 Голем мерак е од летните горештини да се разладиш во базен во дворот. Меракот е уште поголем ако базенот си го направиш со свои раце. Следува чекор по чекор фото-упатство.

Песната ,,Ја излези Ѓурѓо" после преработката на бендот ,,Некст Тајм" станува се попопуларна меѓу младите. Имено оваа прекрасна македонска патриотска песна беше испеана во шоуто на ,,Пинкови Ѕвезди"  од страна на 21- годишниот Дејвид Стојков. Момчето од Пробиштип со својот настап успеа да добие 4 столици. Ова е гордост за секој македонец, посебно за жителите на с.Прибилци и Демирхисарскиот регион кој добро е познат по убавите песни и патриотскиот дух. Ова е само еден пример како треба да се негува Македонската народна песна, да се надеваме дека ова темпо и понатаму ќе продолжи.           Некст Тајм, Дејвид, благодариме !

 Тим на истражувачи од Управата за заштита на културното наследство на Република Македонија, предводен од директорот Виктор Лилиќ Адамс, летово ќе изврши прелиминарно археолошко истражување на еден од најважните археолошки локалитети во Демир Хисар, раноантичкиот град Брианион. Тимот од искусни стражувачи, со помош на најсофистицирана детекторска опрема, ќе врши површинско истражување, а сите пронајдени примероци ќе останат во наследство на општината како почетен археолошки фонд за отворање на локална музејска поставка.

Истражувањето ќе биде спроведено во дел или два, се договорија градоначалникот на Општина Демир Хисар Љупчо Блажевски и директорот на Управата за заштита на културното наследство, Виктор Лилкиќ Адамс. Истото треба да биде почетна иницијатива за спроведување на поголеми и посеопфатни археолошки истражувања на територијата на целата општина каде што досега не е извршено никакво истражување, иако се регистрирани над 100 археолошки локалитети.

Преку ова таканаречено прелиминарно археолошко истражување кое што во оваа фаза ќе се спроведе со заедничка техничка, стручна и логистичка поддршка на Општината и Управата, градоначалникот Блажевски гледа долгорочен бенефит кој ќе обезбеди дополнителни стручни сознанија за локалитетот, но и ќе поттикне поширока јавна и институционална поддршка и интерес за потемелни истражувања, како на овој така и на останатите локалитети во општината.

Локалитетот Брианион зафаќа површина од 12 хектари. Одбран е бидејќи се смета дека бил центар на целиот рудоносен регион Дериоп. Бил изграден во раната антика. Во доцната антика врвот бил повторно укрепен, со малтерно обѕидие зајакнато со 8 кули.

Извор: http://tvorbis.com.mk/?p=8430

СЕЛСКИ ЗЕЛНИК - РЕЦЕПТ 

СО ПОМОШ НА ЈАПОНЦИТЕ, ДЕМИР ХИСАР ЌЕ КУПУВА НОВО ПРОТИВПОЖАРНО  ВОЗИЛО

 Во канцеларијата во Скопје на Јапонската амбасада во Виена, се потпишаа договори од програмата за поддршка на мали грантови за јапонската фискална 2014та година во вкупен износ од 260 000 евра. Грантовите се доделија на 4 апликанти од Република Македонија и тоа, Општина Жупа за набавка на амбулантно возило и возило за домашна посета во вкупна вредност од 54 700 евра, набавка на опрема за Универзитетската клиника за радиологија во вреднос од 75 500 евра, и 54 000 евра за Општина Велес за рехабилитација на заеднички простории на три училишта.

Со набавката на новото противпожарно возило што треба да се случи до крајот на првата половина од оваа година, речиси целосно ќе се заокружи неколкугодишниот заеднички проект на Пелагонискиот Плански Регион и Општината Демир Хисар за техничко опремување и оспособувањето на територијалната противпожарната единица. Изминативе 4-5 години беа набавени и поставени 20 јавни противпожарни хидранти во градот и неколку поголеми населени места, а минатата година беше спроведена и втората завршна фаза од проектот за набавка на животоспасувачка опрема за сите 12 пожарникари.

Грантот на Јапонската влада е седми што за нецели три месеци влезе во општината Демир Хисар. Вкупната вредност на сите грантови изнесува околу 

90 000 евра.

Сите знаеме дека кумство не се одбива - знаете ли зошто?

ВРЕМЕНСКА ПРОГНОЗА ЗА 09.03.2015 

07 МАРТ/MARCH 2015 11:12 

 Денеска започнуваат велигденските пости. Денот по Прочка е чист понеделник кога почнува големиот велигденски пост. На овој ден се чисти куќата, особено се внимава садовите за храна да се измијат и испоснат од мрсното. Во минатото тоа се правело со брашно или пепел и со подолго вриење.

За време на велигденските пости покрај вообичаените конзумирања храна од растително потекло, житарици, зеленчук и овошје, постојат и одредени карактеристични продукти што се подготвуваат само во одредени денови за време на постите.

Во текот на седумнеделниот период на Велигденскиот пост има повеќе празници. Во првата недела од великите пости, од понеделникот до средата се деновите наречени тримери кога не се конзумира никаква храна ниту течност. Одредени продукти од храна се подготвуваат за денот по завршувањето на тримерите, што е третиот ден од почетокот на великиот пост.

Во средата, кај оној што ги “држел” тримерите и каде што имало млада невеста, доаѓале гости. Домаќинката за таа прилика има подготвено варена пченица со конопни зрна, ошав – компот од црни сливи и друго сушено овошје (јаболко, суво грозје, диви сливи), кравајче од пченично брашно замесено со пепелница, украсено со бонбони. Се месело, исто така, и пита-зелник, со зеље, одозгора посолено со сусам додека на дното од тепсијата се ставале сецкани ореви. Задолжително за таа прилика како пијалок се носело и боза. Гостите што доаѓаат на посета исто така носеле боза, кравајче и пченица. Во оваа прилика се купувало и сезонско овошје, особено портокали.

Првата сабота после прочка е празникот Тодорова сабота – Тодорица, а саботата пред Велигден е Лазарова сабота, а во неделата се Цветници. Празникот Благовештение кој секогаш е на 7 април.

За празниците Благоец и Цветници дозволена била употреба на посни меса во кои спаѓаат рибата и полжавите. Рибата печена или пржена на масло, или подготвена со ориз или, пак, со запржен кромид и суви црни сливи, била скоро задолжително подготвувана во овие денови. Полжавите се печеле или се вареле како готвено јадење со зеленчук.

Сепак велигденскиот пост не значи само одрекување од храна. Важен е и духовниот пост. Верниците во деновите на постот треба да се воздржат од лоши мисли и дела, и да се обидат да најдат духовен мир, без што постот нема смисол.